ROJAVA-SÛRIYE

Hemû Nûçe

• Heyva Sor a Kurdistanê: Xebatkarên tenduristiyê divê bê şert û merc bên berdan 

  Heyva Sor a Kurdistanê têkildarî xebatkarên tenduristiyê yên li Helebê hatine binçavkirin, daxuyanî da û banga kir ku bê şert û merc bên berdan.
• Xelkê Helebceyê ji bo Şêxmeqsûd û Eşrefiyê meşiya 

  Xelkê Helebceyê ji bo piştgiriya bi gelên Şêxmeqsûd û Eşrefiyê yên Helebê meşiya û diyar kir ku bûyerên li herdu taxên Kurdan qewimîn sûcê şer in.
• Li Şêxmeqsûd û Eşrefiyê mirov têne revandin 

  Çeteyên Hikumeta Veguhêz a Sûriyeyê nahêlin saziyên çapemeniyê û sivîl bikevin taxa Şêxmeqsûd. Li taxê gelek kes têne revandin.
• Jinên Kobanê: Çawa ku Kobanê bi pêşengtiya jinan bi ser ket wê Şêxmeqsûd jî bi ser bikeve 

  Bi sedan jinên ji Kantona Firatê ji bo berxwedana her du taxên Kurdan Şêxmeqsûd û Eşrefiyê yên li Helebê daketin qadan û êrîşên li ser her du taxan protesto kirin.
• Dewleta Îranê xetên telefonê yên li girtîgehan birî 

  Dewleta Îranê ji bo binpêkirin û zexta li girtîgehan nehê bihîstin, ji 9'ê Çileyê û vir ve hemû xetên telefonê yên li girtîgehan birî ye.
• Heyva Sor a Kurd banga berdana endamên xwe kir 

  Heyva Sor a Kurd nasnameya xebatkarên xwe yên li Helebê hatin binçavkirin eşkere kir û ragihand ku girtina wan binpêkirina hiqûqa navneteweyî ye û divê tavilê bêne berdan.
• Şahidên berxwedana Şêxmeqsûdê: Êriş giran bû, berxwedan jî xurt bû 

  Şêniyên taxên Şêxmeqsûd û Eşrefiyê diyar kirin ku êrişên li ser herdu taxan bi tank û droneyan hate kirin û bi taybetî cihên sivîl û qadên tenduristiyê dihatin hedefgirtin.
• Cenazeyê Ziyad Heleb wê sibe bê veşartin 

  Li Kantona Firatê bi hezaran kesî cenazeyê endamê Fermandariya Hêzên Ewlekariya Hundirîn a Helebê şehîd Ziyad Heleb pêşwazî kirin. Sibe wê ji bo şehîd merasîm bê lidarxistin.
• 'Li dijî kiryarên hovane divê her kesên xwedî wijdan rabin ser piyan' 

  Gaziyên Jin ên Federasyona Bakur û Rojhilatê Sûriyeyê li dijî êrişên hovane yên li ser taxên Şêxmeqsûd û Eşrefiyê yên Helebê bang li her kesên xwedî wijdan kir ku rabin ser piyan.
• Êrîşên nemirovane li ser Eşrefiyê û Şêxmeqsûdê têne kirin 

  Eşrefiyê û Şêxmeqsûd ên Helebê ku piraniya niştecihên wan Kurd in, rastî êrîşeke sîstematîk û trajîk hatin ku ev êrîş wekî sûcekî şer li dijî mirovahiyê têne pênasekirin.
• Komên çete derdora Bendava Tişrînê bombebaran dikin 

  Êrîşên komên çete yên girêdayî dewleta Tirk a dagirker li ser Bendava Tişrînê dewam dikin, li herêmê tevgera zêde ya balafirên şer û dorneyên xwekuj heye.
• Cenazeyê Fermandar Ziyad Heleb di nava kolanên Kobanê de hat gerandin 

  Bi hezaran gelê kantona Firatê cenazeyê Endamê Fermandariya Giştî ya Hêzên Ewlekariya Hundirîn-Helebê şehîd Ziyad Heleb pêşwazî kir û di nava kolanên Kobanê re bi erebeyan gerand.
• Li Şêxmeqsûdê 3 xebatkarên Heyva Sor a Kurd hatin revandin 

  Heyva Sor a Kurd ragihand ku çeteyên hikumeta demkî 3 endamên wan li taxa Şêxmeqsûd a Helebê revandin û diyar kir ku hewldan bi rêxistinan re tên kirin ku werin berdan.
• Navê şehîd Ziyad Heleb li pitikê nû jidayikbûyî hat kirin 

  Malbata Ebufesih ê ji Serêkaniyê, navê endamê Fermandariya Giştî ya Hêzên Ewlekariya Hundirîn Ziyad Heleb ku di berxwedana Şêxmeqsûdê de şehîd bû, li pitikê xwe yê nû jidayikbûyî kirin.
• Ji bo şehîdên Şêxmeqsûdê li Qamişloyê mûm hatin pêxistin 

  Xwendekarên Zanîngeha Rojava û xelkên bajarê Efrînê yên li bajarê Qamişloyê ji bo bibîranîna şehîdên taxên Şêxmeqsûd û Eşrefiyê mûm pêxistin.
• QSD: Wezareta Parastinê ya Şamê agahiyên ne rast parve dike 

  QSDˊê ragihand ku "Wezareta Parastinê" ya hikumeta demkî îdia kir ku tevger an jî sewqiyetên leşkerî yên QSDˊê li eniya Dêr Hafirê hene, lê ev agahî derew in.
• Komkujiya li Şêxmeqsûdê li Dêrazorê hat şermezarkirin 

  Gelê kantona Dêrazorê komkujiyên ku çeteyên hikumeta demkî li dijî xelkê taxên Şexmeqsûd, Eşrefiyê û Benî Zêd ên Helebê kirine, şermezar kirin û bang li Hêzên navneteweyî kir ku sûcdaran ceza bikin.
• Cenazeyê Şehîd Ziyad Heleb li Kobanê bi girseyî hat pêşwazîkirin 

  Li kantona Firatê cenazeyê Endamê Fermandariya Giştî ya Hêzên Ewlekariya Hundirîn-Helebê şehîd Ziyad Heleb ji aliyê deh hezaran ve hate pêşwazî kirin.
• Li Qamişloyê bi hezaran kes karwana ku ji Dêr Hafirê vegeriya pêşwazî kir 

  Bi hezaran kesên ji bajarê Qamişlo yê Bakur û Rojhilatê Sûriyeyê, bi dirûşmên “Şehîd namirin û bijî berxwedana Şêxmqsûd” û nîşaneya serkeftinê pêşwaziya karwana ji Dêr Hafirê vegeriya kirin.
• Heyva Sor a Kurd: Nêzî 100 birîndar ji Şêxmeqsûdê hatin derxistin 

  Heyva Sor a Kurd ragihand ku vê sibehê nêzî 100 birîndar ji taxa Şêxmeqsûdê ya Helebê derxistine û got; "Hîna peywendî berdewam in, ger agahiyên rast ên li ser birîndarên din hebin, werin derxistin."
• Komkujiyên li Şêxmeqsûd û Eşrefiyê hatin şermezarkirin 

  Kongreya Îslama Demokrtîk, Meclisa Tenduristiyê ya Çilaxa û Meclisa Kongra Star a kantona Firatê komkujiyên ku çeteyan li taxên Helebê pêk anîne, şermezar kirin.
• Ji Hêzên Ewlekariya Şêxmeqsûd sererastkirin: Fermandarê me Azad Heleb şehîd neketiye 

  Hêzên Ewlekariya Şêxmeqsûdê daxuyaniyeke sererastkirinê weşand û diyar kir ku fermandarê wan Azad Heleb şehîd neketiye.
• 46 birîndar rakirin nexweşxaneyên li Reqayê 

  Mirovên li taxên Şêxmeqsûd û Eşrefiyê yên Helebê di êrişên çeteyên dewleta Tirk û hikumeta veguhêz a Şamê de birîndar bûn, rakirin nexweşxaneyên li Reqayê.
• Xelkên Kantona Cizîrê berxwedana Helebê silav kirin 

  Li çar bajarên Kantona Cizîrê berxwedana li dijî êrîşên komên çeteyan ên li ser sê taxên Helebê, hate silavkirin.
• Li Şêxmeqsûd û Eşrefiyê bi sedan kes hatin revandin 

  Çeteyên ser bi hikumeta veguhêz a Sûriyeyê li taxên Şêxmeqsûd û Eşrefiyê yên Helebê bi sedan kes revandin. Li gorî agahiyan çeteyan jin birin mizgeftan, mêr jî birin devereke nayê zanîn.