Senatorê Dewletên Yekbûyî yê Amerîkayê Lindsey Graham hişyariyek din da Şamê û got: “Eger hikûmeta Suriyeyê bikeve nava tevgera leşkerî, ji bo ku Qanûna Sezar dîsa bikeve meriyetê, ez ê her tişta ku ji destê min tê, bikim.”
Lindsey Graham, têkildarî êrişên hikûmeta demkî ya Suriyeyê ku ev bi rojane li ser Bakur û Rojhilatê Suriyeyê didomîne, li ser hesaba xwe ya medya dijîtal (X) daxuyaniyek nû belav kir.
Graham ku beriya niha jî 2 caran Şam hişyar kiribû, ev peyam da: "Eger hikûmeta nû ya Suriyeyê li hemberî Kurdan û QSD’ê hêza leşkerî bikar bîne, ev dê li Suriyeyê pirsgirêkek mezin a aramiyê derxîne holê. Ev jî dê derbarê rejîma nû de her tiştekî nîşanî min bide. Eger hikûmeta Suriyeyê operasyonek leşkerî bike, ji bo ku Qanûna Sezar dîsa bikeve meriyetê, ezê her tişteke ku ji destê min tê, bikim.”
