ROJANE

Hemû Nûçe

• Li New Yorkê dewleta Tirk hat protestokirin 

  Li New Yorkê polîtîkayên şer ên hikûmeta AKP’ê û qetlîamên li ser Kurdistanê hatin protestokirin.
• Deh hezaran li Parîsê Sara, Rojbîn û Ronahî bi bîr anîn 

  Ji damezirînerên PKK’ê Sakîne Cansiz, Endama Kongreya Neteweya Kurd (KNK) Fîdan Dogan û Endama Tevgera Ciwanan Leyla Şaylemez di 3’yemîn salvegera qetilkirinê de li paytexta Fransa Parîsê hatin bîranîn.
• Jinan ji Amedê bang kirin: Em ê ji vê rêyê venegerin! 

  Bi hezaran kesî li Amedê 3 jinên şoreşger ên li Parîsê hatin qetilkirin bi bîr anîn. Di bîranînê de Hevseroka KCD’ê Selma Irmak wiha got: “Heta em negihêjin serketinê em ji vê rêyê venagerin.”
• Xizmên windayan: Zilm wê gora xwe bixwe bikole 

  Xizmên windayan di çalakiya bi şîara "Bila winda bên dîtin, kiryar bên darizandin" li Amed, Êlih, Gever û Îzmîrê hatin lidarxistin de bal kişandin li ser qatlîamên ku di demên dawî de li Kurdistanê tên kirin.
• MLKP: AKP ji jinan ditirse 

  MLKP, têkildarî komkujiyên li Parîs û Silopiyayê daxuyaniyek da.
• 'Eger DMME biryara tedbîrê werbigire, Tirkiye mukelef e vê bi cih bîne' 

  Rêveberê Navenda Giştî ya OHD'ê Ozgur Erol bal kişand ser serlêdana li DMME ya li hemberî qedexeya derketina derve hatiye kirin û got, "Eger DMME biryara tedbîrê werbigire, Tirkiye mukelef e ku vê biryarê bi cih bîne."
• Li Qersê dema rewşa awarte-OHAL hat dirêjkirin 

  Li navçeya Qers Selîmê, pêkanîna 'Herêma Ewlekariyê ya Leşkerî ya Demkî' ku di 12'ê Kanûnê de ji bo 15 rojan dema wê hat dirêjkirin, çarçoveya wê hat berfirehkirin û heta 23'ê Çileyê careke din hat dirêjkirin.
• AKP'ê dest danî ser wesayît û maşînên kar ên 6 şaredariyan 

  AKP'ê dest danî ser wesayît û maşînên kar ên şaredariyên 6 navçeyên Amedê.
• Terora dewletê di rojeva DMME de ye 

  Di belgeyên nû yên hatin pêşkêşkirin de, agahiyên li ser înfazkirina siyasetmedarên jin ên Kurd û rewşa cenazeyên nikarin bên rakirin, cih digirin.
• HDP: ‘Qada Ked, Aştî û Demokrasiyê’ be 

  HDP’ê xwest ku navê qada Qetlîama Enqereyê lê pêk hat bibe ‘Qada Ked, Aştî û Demokrasiyê’ û her wiha daxwaz kir ku li qadê ‘Abîdeya Aştiyê’ bê çêkirin.
• Di operasyonên qirkirina siyasî de 19 kes hatin binçavkirin 

  Li Amed, Riha, Antalya û Stenbolê herî kêm 19 kes hatin binçavkirin.
• Li Îzmîrê ji endamên Tum Bel-Senê hat xwestin ku îfadeyê bidin 

  Rêveberên Tum Bel-Senê Farûk Vergîlî, Ozer Kaysavûk û Ûlûs Bozkir, bi hinceta ku tevlî merasîma bîranîna qurbaniyên komkujiya Enqereyê bûne, ji wan hat xwestin ku îfadeyê bidin.
• Lêçûnên şer: Di 11 mehan de 5.4 mîlyar 

  Doç. Dr. Alk. Sezaî Temellî diyar kir, ku valahiya ji 5.4 mîlyar TL'yî ya di budçeya ji aliyê Wezareta Maliyeyê ve hat aşkerekirin de derket holê, cihê metirsiyê ye û got, "Sedema herî girîng a vê yekê, polîtîkaya şer a hikûmeta AKP'ê ye."
• Li Gazî otobusa şaredariyê hat şewitandin 

  Li Taxa Gazî, otobusa şaredariyê piştî ku hemû mirovên di hundir de hatin peyakirin, hat şewitandin.
• Polîsan avêtin ser avahiya HDP'ê ya navçeyê 

  Polîsên Tirk avêtin ser avahiya HDP'ê ya Navçeya Beyoglûyê.
• Rêveberê PSAKD Ozkan: Bêdengî li baweriya me nayê 

  Ozkan bal kişand ser encamên şerê AKP'ê û got, "Bêdengî li bawerî û rêya me nedihat. Li gorî baweriya me, di têkoşîna navbera zalim û mazlûman de, cihê me cem mazlûman e."
• Xelata derewan: Reklama ji 1 mîlyar TL'yî 

  Di dema desthilatdariya AKP'ê de saziyên çapemeniyê yên rastî nivîsandin, rastî girtin, îşkence û kuştinê hatin. Lê medya alîgirê desthilatdariyê, di berdêla derewên xwe de bi mîlyaran reklam wergirtin.
• Parlamenta Baselê şîdeta dewlet Tirk xist rojeva xwe 

  Parlamenta Kantona Baselê, polîtîkayên komkujiyê yên dewleta Tirk ên li hemberî Kurdistanê dimeşîne, xist rojeva xwe. Parlametnerên SP şîdeta dewleta Tirk şermezark irin û ji hikûmeta Swîsreyê xwestin, navbeynkariyê ji çareseriya pirsgirêkê re bike.
• Siyasetmedarên Awûstûryayî nerazîbûn nîşanî Tirkiyeyê dan 

  Partiya Gel û Partiya Keskan ên Awûstûryayê der barê polîtîkayên qirkirinê yên dewleta Tirk li Kurdistanê dimeşîne de daxuyanî dan û xwestin, ku ev êrîşên li dijî gelê Kurd tavilê werin sekinandin.
• Di civîna AKP-PDK'ê ya Xabûrê de li ser çi hat axaftin? 

  Derket holê ku Wezîrê Gumruk û Bazirganiyê yê Tirk Bulent Tufenkçî yê berî 3 rojan çû Deriyê Sînor ê Xabûrê, bi rayedarên PDK'yî re civîn pêk anî.
• Li Îzmîrê gule li malên Kurdan hatin reşandin 

  Hat ragihandin ku êrîş ji aliyê kesên di wesayîteke bi tîpa Fiat Doblo ya bi plaqeya 45 SC 317 ve hatiye kirin. Di êrîşê de bi şensê tiştek bi kesî nehat.
• Li Mêrdîn û Îzmîrê 6 kes hatin binçavkirin 

  Li Mêrdînê 4, li Îzmîrê jî 2 kesên din hatin binçavkirin.
• 'Serokkomar destûra bingehîn binpê dike' 

  Altan diyar kir ku Erdogan hema hema her roj Destûra Bingehîn binpê dike û dawî li Tirkiyeyê tîne. Sancar jî destnîşan kir, ku aktorên li dijî siyasetmedarên Kurd serî li rêbaza 'rakirina mafê destlênedanê' dane, ji holê rabûne.
• Li Wan, Edîrne û Îzmîrê gelek kes hatin binçavkirin 

  Li Edîrneyê 13, li Wanê 2 û li Îzmîrê jî 2 kes hatin binçavkirin.
• Hejmarê penaberên di qezaya li Egeyê jiyana xwe ji dest dan gihişt 31’an 

  Di encama noqbûyina 2 botên plastîk ên hewl dan penaberan bigihînin girava Mîdîllî ya Yewnanîstanê de cesede 31 kesan ku zarok û jin jî di nav de ne, xwe da peravê. 12 kes jî hatin rizgarkirin.