Endamê Rêveber ê Partiya Asûrî ya Demokratîk a Waîl Mîrza,Nûnerên Meclîsa malbatên Şehîdan,TEV-DEM û hêzên leşkerî (Asayîş û Notorê) jî di nav de bi sedan welatiyên herêma Til Temir ên ji hemû pêkhateyan tevlî mersîmê bûn.

Mersîma cenazeyên şervanê Hêzên Natorê ya Asûriyan Sergon Mûşe li Dêrê hate lidarxistin. Li Dêrê merasîmê olî hatin lidarxistin, piştre jî şervanan darbesta cenazeyê Sergon wergirtin û ber bi goristan gundê Til Şinan derketin rê.

LI goristanê merasîm bi deqeyek rêzgirtina leşkerî ve destpê kir. Piştre jî berpirsê kenîseyê axivî û got ku bi saya tekoşîna şehîdan herêm hatiye rizgarkirin û diyar kir ku şehîd Sergon şehîdê biratiya gelan e.

Di dawiya merasîmê de girseya gel cenazeyê şehîd Sergon bi diruşmeyan spartin axê.