Li gorî agahiyên gihîştin ber dest, Heyet Tahrîr Şam a ser bi El Qaîdeyê li dijî hevalbendê xwe yê berê koma Nûreddîn Zengî dest bi operasyonê kir.

Di navbera her du koman de li herêmên cuda şer derket û tê gotin ku gelek kes mirine û her du aliyan dest danîne ser cebilxaneyên hev.

Konvoyeke mezin a Heyet Tahrîr Şam ji navenda bajarê Îdlibê berê xwe da baregehên koma Nûreddîn Zengî yên li bejahiya Îdlibê.

Hat ragihandin, Tahrîr Şam li Dana û Atmê bi tank û çekên giran dest bi êrîşê kiriye.

Koma Nûreddîn Zengî ku MÎT piştgiriyê dide, Çileya 2017'an dema Heyet Tahrîr Şam ava bû tevlî vê rêxistinê bû, lê piştî 6 mehan di dema şerê bi Ahrar Şam re ji vê rêxistinê qut bû.