Şevê din li taxa Baglar a navçeya Rezan a Amedê ciwanan terora dewletê ya li Cizîrê şermezar kirin lê polîsan bi çekan êrîş li çalakiyê kir. Di dema çalakiyan de jina ciwan a bi navê Rûken Demîr a 18 salî ya li ber mala xwe rûniştî bû hedefa polîsan. Polîsan bi wesayîta zirxî Demîr hedef girt û gule li serê wê dan. Demîr li cihê bûyerê jiyana xwe ji dest da û cenazeyê wê rakirin Nexweşxaneya Lêkolîn û Perwerdehiyê ya Amedê. Şahidên bûyerê ji DÎHA'yê re gotin Demîr li ber malê rûniştinbû û bi wesayîta zirxî ew hedef girtin û wisa qetil kirin.