Li bajarê Silêmanî ya Başûrê Kurdistanê bi tevlîbûna gelek rewşenbîr û çalakvan bi dirûşma ‘Şehîd namirin’ cenazeyê 9 pêşmergeyên Komeleya Zehmetkêşan a Kurdistanê ku di êrişa rejîma Îranê de şehîd bûbûn, hatin veşartin.
Di saetên piştî nîvroyê de li Goristana Şêx Ehmed Hîndî bi tevlîbûna gelek rewşenbîr, çalakvan, siyasemedar ên Silêmaniyê bi merasîmekê cenazeyê 9 pêşmergeyên Komeleya Zehmetkêşan a Kurdistanê hatin veşartin.
Merasîm bi dirûşma ‘Şehîd namirin’ destpê kir û êriş hate şermezarkirin.
Piştî sirûdên netewî û şoreşgerî cenazeyên şehîdan hatin veşartin û çeleng li ser gorên wan hatin danîn.
Hêjayî bibîr xistinê ye 17’ê Tîrmehê supayê Pasdaran bi mûşekan û dronan êriş bire ser Navenda Komeleya Zehmetkêşan a Kurdistanê ya li Gundê Zerguêz ya dikeve sînorê Silêmaniyê. Di vê êrişê de 9 pêşmergeyên Komele şehîd bibûn û hinek jî birîndar bibûn.
