Partiya Azadiyê ya Mezopotamyayê (MOP) rojnamevan Mûrat Kûseyrî bi bîr anî.

Di daxuyaniyê de hate gotin, "Bi navê gelê Asûrî/Suryanî/Keldanî, em enternasyonalîst Mûrat Kûseyrî yê ku jiyana xwe ji dest da, bi rêz, hurmet û minet bi bîr tînin."

Daxuyaniyê wiha dewam kir, "Hevrêyê me Mûrat êşa bindestan, deng, êş, hest û daxwazên demokratîk ên mafdar, şev û roj, havîn û zivistan bi wêrekî, sebir û hesasiyeteke mezin bi pênûsa xwe ji raya giştî re radigihand. Yek ji van jî êşa Seyfo/Qirkirinê ya 1915'an a gelê Asûrî/Suryanî/Keldanî bû. Hevrê Mûrat bi vî rengî dilê xwe di dilê gelê me de girt. Em ê di têkoşîna xwe ya demokratîk, civakî û neteweyî de timî xwedî li bîranîna wî derkevin."