Şervanên YPG’ê Veysel Muhamed, Mehemed Rivî û Mehmed Akgol ên di berxwedana Kobanê de jiyana xwe ji dest dan, bi dirûşmayan ji aliyê hezaran kesî ve li Pirsûsê hatin defnkirin.

Cenazeyên şervanên YPG’ê Veysel Muhamed, Mehmed Rivî û Mehmet Akgol ên di berxwedana Kobanê de jiyana xwe ji dest dan piştî kar û barên otopsî yên li Saziya Tipa Edlî ya Riha anîn Nexweşxaneya Dewletê ya Pirsûsê.

Darbestên şervanên YPG’ê yên bi ala KCK’ê pêça bûn li morgê ji aliyê hezaran kesî ve bi dirûşmayên “Şehîd namirin”, “Bijî berxwedana YPG/YPJ”, “Bijî Serok Apo” û “Dîsa dîsa serhildan serokê me Ocalan” ber bi goristana navçeyê ve bi meşekî girseyî birin. Parlamenterên HDP’ê Ozdal Uçer û Halîl Aksoy, li gel gelê li gundên Mehser û Miseynter di berxwedana nobetê de ne û li gel Kobaniyên tevlî meşe bûn ku tevlî meşê bûn, alim û jin li pêş meşiyan.

Piştî wecîbeyên olî yên li goristanê şervanên YPG’ê hatin defnkirin. Piştî defnkirinê nûnerê MEYADER di daxuyaniya kurt de diyar kir gelê Kurd di rêya kesên jiyana xwe ji dest dane de dimeşe.