Parêzerên Rêberê Gelê Kurd Abdullah Ocalan, ji bo muwekîlê xwe bibînin serî li Dozgeriya Komarê ya Bûrsayê dan.

Ji parêzerên Rêberê Gelê Kurd Abdullah Ocalan Rêzan Sarica, Cengîz Yureklî û Mazlûm Dînç, ji bo bi muwekîlê xwe re hevdîtinê pêk bînin, serî li Dozgeriya Komarê ya Bûrsayê dan. Eger serlêdana parêzeran bê qebûlkirin, wê sibê biçin Girava Îmraliyê û bi muwekîlê xwe Ocalan re hevdîtinê pêk bînin.

Hêjayî gotinê ye, parêzerên Rêberê Gelê Kurd Abdullah Ocalan ji 27'ê Tîrmeha sala 2011'an û vir ve bi hincetên "keştî xerabe ye", "rewşa nebaş a hewayê", "keştî tê çêkirin" û "keştî ji temîratê vegeriya, lê ji ber ewraqên keştiyê yên ji Serokatiya Benderê bistîne ne temam in, nikare kar bike" nikarin muwekîlê xwe bibînin.