Li du gundên girêdayî navçeya Novoaleksandrovkê ya bajarê Stavropolê, bi pêşengtiya jinan merasîmek ji bo bîranîna Şehîd Zîlan hate lidarxistin.

Di çarçoveya bîranînê de axaftin hatin kirin û rola jina Kurd di têkoşîn û berxwedanê de hate nirxandin. Axaftvanan bal kişandin ser bandora Şehîd Zîlan li ser hişmendî û azadbûna jinan û diyar kirin ku bi xebat û fedakariya jinên berxwedêr ên wek Zîlan, jin gihiştine asteke girîng a rêxistinbûn û têkoşînê.

Di civînê de her wiha li ser wate û girîngiya roja bîranînê axaftin hatin kirin. Nameyên Şehîd Zîlan jî hatin xwendin û bi beşdaran re hatin parvekirin. Di heman demê de, nameyên wê yên ku bi zimanê Rûsî wek pirtûk hatibûn çapkirin, ji bo jinan hatin belavkirin.

Merasîm bi dirûşmeyan bi dawî bû.