Zîlan (Zeynep Kinaci) ku 30'ê Hezîrana 1996'an li Dersimê bi çalakiya fedaî di nava têkoşîna azadiyê ya Kurdistanê de serdemeke nû da destpêkirin û Zozan Denîz (Suphiye Ozen) a 24'ê Hezîranê ji ber kanserê şehîd bû, li banliyoya Villiers-le-Bel a paytexta Fransa Parîsê hatin bîranîn.

Bîranîna li Navenda Civaka Kurd a Demokratîk bi pêşengiya Meclîsa Jinê ya Şehîd Evîn Goyî ya Villiers-le-Bel hate lidarxistin û li gel endamên Komeleya Malbatên Şehîdan (KOMAW) û Navenda Civaka Kurd a Demokratîk gelek Kurdistanî tevlî bûn.

Li dû deqeyeke rêzgirtinê bi navê KOMAW'ê Ahmet Kaçan axivî û qala jiyana têkoşînê ya şehîdan kir.

Piştre ji Tevgera Jinên Kurd a Fransayê (TJK-F) Newal KoçgirÎ qala têkoşîna Zîlan û Zozan kir û bûyerên rojane nirxand.

Koçgirî işaret bi girîngiya xwedîderketina li pêvajoyê kir ku ji aliyê Rêber Apo ve hatiye destpêkirin û anî ziman ku divê komîn û rêxistiniya civaka demokratîk bêne xurtkirin.

Di bîranînê de li ser jiyana Zîlan û Zozan Denîz 2 sînevîzyon hatin nîşandan.

Çalakî bi dirûşmên "Şehîd namirin", "Jin, Jiyan, Azadî" û "Bijî Serok Apo" bi dawî bû.