Nûçegihanê DÎHA'yê Mensur Kuçukkarga dema li Xinisê nûçe dişopand bi îdîaya "tevlî çalakiyê bûye" hate girtin.

Nûçegihanê DÎHA'yê û Xwendekarê Zanîngeha Ataturk a Erziromê Mensur Kuçukkarga dema li navçeya Xinisê ya Erziromê di çalakiyên ji bo Kobanê hatin lidarxistin de nûçe dişopand duh di serdagirtina malê de li navçeya Palandoken a Erziromê hate binçavkirin û birîbûn Midûriyeta Polîsan a Xinisê. Piştî karên li vir Kuçukkarga sewqî Edliyeya Xinisê hate kirin û li ser îfadeyên kesekî yê ku Kuçukkarga tevlî çalakiyan bûye bi daxwaza girtinê sewqî Dadgeha Ceza ya Giran a Xinisê hate kirin. Piştî îfadeyên li dadgehê nûçegihanê DÎHA Kuçukkarga hate girtin û şandin Girtîgeha Tîpa H a Erziromê.

Parêzerê Kuçukkarga Kadîr Guzelbaba têkildarî mijarê daxuyanî da û diyar kir ku dadgehê bêyî delîlan û bi sûcdariyên vala biryara girtinê da û wiha got: "Ji 11 kesên hefteyek berê hatin girtin kesekî got Mensur jî tevlî çalakiyan bûye hate girtin."

Guzelbaba, da zanîn ku ew ê li hemberî biryara girtinê îtîraz bikin.