Balafirên şer ên artêşa Tirk li ser herêma Zapê ya girêdayî Herêmên Parastina Medya geriyan. Leşkerên Qereqola Beyaz Çeşme ya girêdayî navçeya Licê ya Amedê li herêm û derdorê kemînan datînin.

Navenda Çapemenî û Ragihandina HPG’ê (NÇR-HPG) bi daxuyaniyeke nivîskî diyar kir ku balafirên şer ên artêşa Tirk 24’ê Cotmehê li ser herêma Zapê ya girêdayî Herêmên Parastina Medya geriyane.

NÇR-HPG’ê got: “24’ê Cotmehê navbera saet 11.30 û 13.00’an de li herêma Tepê Şivan ê li ser xeta sînor û girêdayî herêma Heftanîn a Herêmên me yên Parastina Medya liv û tevgera artêşa dagirker a dewleta Tirk hatiye dîtin. Heman rojê di navbera saet 14.00 û 15.30’an de li ser herêmên Deriyê Dawetiya, Şehîd Kendal û Şehîd Mervan liv û tevgera balafirên şer ên artêşa dagirker a dewleta Tirk çêbûne” û di daxuyaniyê de hat diyarkirin her du rojên dawî leşkerên Qereqola Bayaz Çeşme ya girêdayî navçeya Licê ya Amedê li herêm û derdorê kemînan datînin.”

NÇR-HPG’ê got: “Dîsa 24’ê Cotmehê di navbera saet 16.00 û 17.00’ê de li ser herêmên Şehîd Navdar û Şehîd Rojhat ên li herêmê balafirên bêmirov ên artêşa dagirker a Tirk keşif pêk anîne.”