Li Taxa Kaniya Kurdan a bajarê­ Kobanê di navbera şervanên YPG'ê û çeteyên DAIŞ'ê de şer û pevçûnên dijwar rû didin.

Çeteyên DAIŞ'ê îro saet di 11.00'an de bi hemû çekên giran êrîşî Taxa Kaniya Kurdan a bajarê Kobanê kirin û rastî bersiva şervanên YPG'ê hatin. Di encam de ku şer û pevçûnên dijwar rû dan, heta niha didomin.

Nûçegîhana ANHA'yê ji herêma şer û pevçûnan agahî da û diyar kir ku li herêmê dengên çekên giran tên bihîstin û da zanîn ku çeteyên DAIŞ'ê hemû cure çekên giran di êrîşên li dijî kobanê bikar tînin.