Hêzên YPG'ê li her sê eniyên herêma Kobanê derbeyên giran li çeteyên DAIŞ'ê dan. 25 Çete hatin kuştin û gelek alavên leşkerî hatin desteserkirin. Êrîşa çeteyan a bi topên hewanan jî didome.

Li gorî agahiyên ji nûçegihanên ANHA yên ji herêmên pevçûnan hatine wergirtin, li her sê eniyên Kobanê ji  şevê din heta niha şer û pevçûnên dijwar di navbera şervanên YPG'ê û çeteyên DAIŞ'ê de rû didin.

Li başûrê Kobanê di encama şer û pevçûnên di navbera şervanên YPG'ê û çeteyên DAIŞ'ê de 14 çete hatin kuştin.

Di pevçûnên li rojhilatê herêma Kobanê jî 9 çete hatin kuştin, her wiha rextek, rextekî bombeyan û demançeyek hatin desteserkirin.

Li eniya rojhilatê herêma Kobanê çete bênavber hewanan davêjin û welaltiyên sivîl dikin armanc.

Di navbera gundên Têndir û Sosanê yên rojavayê herêma Kobanê de 2 wesayîtên çeteyên DAIŞ'ê ji aliyê şervanên YPG'ê ve hatin rûxandin û di encamê de gelek çete hatin kuştin û gelek jî birîndar bûn, lê hejmara çeteyan nehate zanîn.

Li rojhilat-başûrê herêmê jî di encama şer û pevçûnên ku derketin wesayîteke doçka li ser hat rûxandin.

Her wiha di navbera gundên Menazê û Gulmetê yê di navbera başûr û rojavayê herêmê de motorsîkletek çeteyan hat rûxandin û 2 çete hatin kuştin.