DOKH’ê ji bo tevlîbûna 1’ê Mijdarê Roja Kobanê ya Cihanê û xwedîderketina berxwedana Kobanê bangawazî kir.

Tevgera Jinan a Azad û Demokratîk (DOKH) ji bo piştgiriya hêzên YPG û YPJ’ê yên li dijî DAIŞ’ê şer dikin, di çarçoveya bangawaziya Komîsyona Welatiyan a Tirkiyeyê ya Yekîtiya Ewropayê (EUTCC) û PEACE CAMPING’ê ve banga “Li dijî DAIŞ’ê ji bo Kobanê û Mirovahiyê Seferberî” de daxuyaniyeke nivîskî weşand. Di daxuyaniyê de hate gotin ku ji bo li Rojhilata Navîn demokrasî pêş bikeve bi piştgirîdayîna berxwedana Kobanê ya gelê Kurd ve pêkan e û ev tişt hate gotin: “Berxwedana Kobanê nîşan da ku hem pêşeroja gelên Rojhilata Navîn hem jî yên cihanê li dijî çeteyan li berxwedayînê û demokrasiyê derbas dibe, ev yek bi awayekî zelal derketiye holê. Xwedîderketina berxwedana Kobanê, xwedîderketina mirovahî, demokrasî û rûmeta xwe ye. Di heman demê de berxwedana Kobanê xwedîderketina hemû têkoşîna jinan a dîrokê ye. Berxwedana Kobanê bûye sembola hemû jinên Rojhilata Navîn û cîhanê.”

Di daxuyaniyê de banga tevlîbûna 1’ê Mijdarê Roja Kobanê ya Cîhanê hate kirin û hate xwestin ku berxwedana jinê ya dîrokê esas bê girtin û xwedî li berxwedana Kobanê bê derketin.