Çeteyên DAIŞ êrîşî Kobaniyên li nêzî gundê Til Şeîr kirin. Di encama gulebarana çeteyan de zarokek 11 salî û jinek birîndar bûn.

Hat ragihandin ku çeteyên DAIŞ îro saet 14.00’an bi çekan êrîşî Kobaniyên ku ji Kobanê koç kirine û derbasî Bakurê Kurdistanê nebûne li nêzî gundê Til Şeîr bicih bûne kirin. Nûçegihanê ANHA yê li herêmê diyar kir di encama gulebarana ji cihekî bilind ê gund de jina bi navê Leyla Mûrad a 34 salî ji milê xwe û kurê wê Îbrahîm Îsmaîl ê 11 salî jî ji lingê xwe birîndar bû. Mûrad û kurê wê yê 11 salî ji bo tedawiyê ji aliyê kesên derdorê ve birin nexweşxaneya li navenda Kobanê.