Şervana YPJ'ê Cennet Baba (Gulçîn Sêrt) a li Kobanê di êrîşên çeteyên DAIŞ'ê de birîndar bû û ji bo were dermankirin anîn Nexweşxaneya Fakulteya Tipê ya Zanîngeha Dîcle ya Amedê, jiyana xwe ji dest da. Cenazeyê Baba ji morga nexweşxaneyê hat wergirtin û ji bo bê veşartin ji warê wê Sêrtê ve hat şandin.

Şervana YPJ'ê Cennet Baba (Gulçîn Sêrt) a di êrîşên çeteyên DAIŞ'ê yên li hemberî Kobanê de roja 26'ê Cotmehê bi giranî birîndar bû, ji sînor hat derbaskirin û piştî mudaxleya destpêkê ya li Nexweşxaneya Dewletê ya Pirsûsê sewqî Nexweşxaneya Fakulteya Tipê ya Zanîngeha Dîcleyê ya Amedê hat kirin. Li gel hemû hewldanan Baba nehat rizgarkirin û duh jiyana xwe ji dest da. Cenazeyê Baba îro ji aliyê malbata wê, rêveberên DBP'yî, endamên MEYA-DER û komeke girseyî îro ji morga nexweşxaneyê hat girtin û ji bo were veşartin ber bi warê wê Sêrtê ve hat birêkirin.

Hat ragihandin ku cenazeyê Baba wê li Goristana Şêx Mûsa ya li taxa Doganê bê veşartin.