Parlamentera Colemêrgê ya Partiya Çepên Kesk Oznûr Bartin xwest, tecrîda li ser Rêberê Gelê Kurd Abdullah Ocalan bê lêkolîn û ji bo bidawî bibe, Komîsyona Lêkolînê ya Meclîsê bê avakirin.
Ji bo tecrîda giran a li ser Rêberê Gelê Kurd û girtiyên din ên li Îmraliyê bê lêkolîn, Parlamentera Colemêrgê ya ji Partiya Çepên Kesk Oznûr Bartin pêşnûmeyek pêşkêş kir û xwest Komîsyona Lêkolînê ya Meclîsê bê avakirin.
Di beşa hincetê ya pêşnûmeyê de hate bibîrxistin ku ji 25'ê Adara 2021'ê û vir ve bi ti awayî agahî ji Abdullah Ocalan nayê wergirtin.
Her wiha hate ragihandin ku tecrîda li Îmraliyê li dijî mewzûata neteweyî û peymanên navneteweyî ye, helwesteke kêfî û cihêkar e û hate destnîşankirin ku gelekî girîng e dawî li tecrîda li ser Ocalan û 3 girtiyên din ên li Îmraliyê bê anîn.
