Di derbarê Hevserokê Giştî yê berê yê Partiya Demokratîk a Gelan (HDP) Selahattîn Demîrtaş de bi hinceta ku Serdozgerê Komara Enqereyê Yuksel Kocaman hedef nîşan daye, doz li wî hat vekirin û rûniştina dozê pêk hat.

Parêzerên Demîrtaş tevlî rûniştina ku li Dadgeha Cezayê Giran a 25’emîn a Enqerê pêk hat, bûn.

Dozger mutalaya xwe ya derbarê dozê pêşkêşî dadgehê kir. Dozger bi îdiaya “hedef nîşandanê” xwest heta 8 salan ceza li Demîrtaş were birîn.

Di mutalayê de hat xwestin ku Demîrtaş ji ber “Bi sûdgirtina ji hêza tirsnak a rêxistinên sûc gef xwariye” ji 2 sal heta 5 salan û ji ber sûcê “Kesên di têkoşîna li hember terorê de erk standine hedef nîşan daye” jî ji 1 sal heta 3 salan cezayê girtîgehê jê re hat xwestin.

Parêzeran diyar kir ku ji bo ew bikaribin li dijî mutalayê parastina xwe bikin, wext xwestin e. Dadgehê daxwaza parêzeran qebûl kir û rûniştin taloqî 16’ê Îlonê kir.