Meşa DOKH'ê ya bi armanca azadiya Rêberê Gelê Kurd Abdullah Ocalan tê lidarxistin, dest pê kir. Meşa di bin tedbîrên ewlehî yên berfireh de dest pê kir ji bo Rêberê Gelê Kurd Abdullah Ocalan û PKK'ê slogan tên berzkirin.

Tevgera Jina Azad û Demokratîk (DOKH), bi armanca azadiya Rêberê Gelê Kurd Abdullah Ocalan li Êlihê meşekê li dar dixe. Berî meşê Parlementera BDP'ê ya Êlihê Ayla Akat, Endamê Meclîsa BDP'ê Osman Ergîn, Hevserokên BDP'ê yê Êlihê Ayşe Agilgat û Şeyhmus Azboy, Serokê Rêxistina BDP'ê yê navçeya navendî Şukru Tapkan, Cîgirê Şaredarê Êlihê Serhat Temel û hezaran kes li ber Otela Zekî hatin cem hev. Girseya di bin tedbîrên gelek berfireh de hatin cem hev bi dawol û zirnayan govend girtin. Di bernameyê de ji bo Rêberê Gelê Kurd Abdullah Ocalan û PKK'ê slogan hatin berzkirin. Girseya dest bi meşê kir pankartên "Azadiya rêbertiyê azadiya gel e", "Ji bo çareseriya demokratîk azadiya Ocalan" û "Azadî, diyalog û muzakere" hatin vekirin. Gelek polîsên sivîl jî bi girseyê re dimeşin.