Di çarçoveya festîvala kevneşopî ya li Mantova ya Îtalyayê tê lidarxistin de roja hevgirtina bi gelê Kurd re hat lidarxistin. Di şahiyê de li ser pêvajoya aştî û çareseriyê û modela Konfederalîzma Demokratîk a li Rojava axivîn.
Li bajarê Mantova ya Îtalyayê her sal ji hêla şaredarî û Komeleya Çandî ya Arci ve festîvala kevneşopî tê lidarxistin. Di çarçoveya festîval îsal de rojek ji hevgirtina bi gelê Kurd re nîşan didin û daxwaza azadiya Rêber Apo re hat veqetandin.
Şahiya ku bi sedan kes beşdarî bûn de standa agahdariyê hat danîn û civîna gel hat lidarxistin. Nûnerên Tora Hevgirtinê ya Gelê Kurd a Mantovayê, Komeleya Konfederalîzma Demokratîk, Tora Hevgirtinê ya Enternasyonalîst û şoreşgerên Îtalî yên enternasyonalîst ên ji Rojava beşdarî civînê bûn.
Di civînê de li ser geşedanên siyasî yên dawî, şerê li herêmê, pêvajoya aştî û çareseriyê axaftin hatin kirin û derbarê pergala Konfederalîzma Demokratîk a li Rojava agahî hatin parvekirin. Di beşa pirs û bersivan de, pirsên beşdaran hat bersivandin.
Şahî bi konsera koma muzîkê ya navdar a Îtalî Assalti Frontali berdewam kir.
Şev bi stranên li ser şoreşgerê enternasyonalîst ê Îtalî Lorenzo Orsetti (Tekoşer Piling) ku di 18’ê Adara 2019’an de tevlî Şoreşa Rojava bû û di şerê li dijî DAÎŞ’ê de şehîd bû hatin gotin bi dawî bû.
