Bi hezaran kesên ji bo şikandina dorpêçiya çeteyên qesrê ya li ber avahiya DBP'ê ya Navçeya Elbakê li hev civiyan, ber bi rêya bejahî ya Wan-Colemêrgê ve dest bi meşê kirin. Dikandarên navçeyê jî dikanên xwe girtin û destek dan çalakiyê.

Girseya gel ku hevşaredar, hevserokên DBP û HDP'ê yên navçeyê û nûnerên rêxistinên civakî yên sivîl jî di nav de heye, ji bo astengiya li pêşiya heyeta HDP'ê ya ji Wanê tê protesto bike, rêya bejahî ya Wan-Colemêrgê li trafîkê girt.

Elbakiyan xwe gihandin girseya gel a ji navenda Wanê hat û bendên polîsên Tirk derbas kirin. Girseya gel hewl dide xwe bigihîne Geverê.

Li aliyê din, ji bilî firin û dermanfiroşan, ti dikan li navçeyê nehatiye vekirin.