Meşa şandeya Zapatista  ya li pênc parzemînan dewam dike.

Baskekî şandeyê beriya çend rojan gihîşt Swîsreyê û li Cenevreyê hate pêşwazîkirin. Rawestgeha doh a şandeyê jî paytext Bern bû.

Kurdistaniyan şandeya Zapatista li Navenda Civaka Demokratîk a Kurd (NCDK) pêşwazî kirin.

Li vê derê bi beşdariya endamên Tevgera Jinên Kurd a Swîsreyê, rêxistinên ciwanan ên alternatîf ên Swîsreyî û Komîteya Rojava hevpeyvînek hate kirin.

Zapatistayan qala modela xwe ya rêxistinbûna berxwedanê, dîroka berxwedanê û çanda xwe kirin.

Endama Yekîtiya Jinên Kurdistanê ya Swîsreyê jî dîroka Tevgera Jinên Kurd û kevneşopiya berxwedêr a jinên Kurd vegot. Bi taybetî Şoreşa Jinê ya Rojava vegot.

Piştî hevpeyvînê panelek hate lidarxistin.

Endamên Zapatistayan wê rojên bê li bajarên Lugano, Basel û Zurichê jî bêne pêşwazîkirin û çalakî bêne lidarxistin.