Serokwezîra berê Angela Merkel serokwezaretî radestî Olaf Scholz kir. Scholz soz da ku ji bo destpêkeke nû ji bo Elmanyayê çi ji destê wî bê ew ê bike.

Merkel jî dawî li karyera xwe ya siyasî ya 31 salan anî.

Sosyal Demokrat ên li Çep a Navendî wê tevî Keskan û Demokratên Azad hikumetê bi rê ve bibe.

Scholz ê 63 salî dawiya meha Îlonê Sosyal Demokrat di hilbijartinê de bi ser xistibû.

Meclîsa Federal a Parlamenta Elman li hemberî 303 dengên dijber bi 395 dengan piştgirî dan Scholz. Piştre jî Serokkomar Frank-Walter Steinmeier bi rengekî fermî Scholz weke nehemîn şansolyeyê federal wezîfedar kir.

Partiya Sosyal Demokrat, Partiya Kesk û Partiya Demokratên Azad roja Sêşemê li ser peymana koalîsyonê li hev kiribûn.

Temamiya 16 wezîrên hikumeta nû jî roja Çarşemê sond xwarin û bi vî rengî bû yekemîn desteya wezîran a Elmanyayê ku nîvî bi nîvî ji jin û mêran pêk tê.