Ji bo azadiya Rêberê Gelê Kurd Abdullah Ocalan, li bajarê Strasbourgê yê Fransayê 489 hefte ne çalakiya nobedê tê lidarxistin.

Her hefte komeke nû ji Kurdistaniyan û dostên wan ên li Ewropayê dibin nobedar. Vê hefteyê jî koma ji bajarê Mannheimê yê Elmanyayê dest bi çalakiyê kir.

Kom ji Çiyager Pirsûs, Tûncer Mazî, Mûstafa Yilmaz û Halîl Yucel pêk tê.

Çiyager Pirsûs bi navê komê axivî û got, "Rêberê me bi rengekî girankirî tecrîdkirî ye û em nikarin agahiyê jê bigirin." Çiyager Pirsûs got, "Rêberê me îradeya me ye."

Pirsûs bi dewamî got, "Ewropayê bi bêdengiyê nîşan da ku hevparê sûcê li dijî Rêberê me û gelê me ye. Heta ku Rêberê me û gelê me azad nebe têkoşîna me wê bi dawî nebe."