Li Helsînkiyê ya ku paytexta Fînlandiyayê ye, her sal di meha Cotmehê de fûara Varjo tê lidarxistin. Di fûarê de danasîna pirtûkên Rêberê Gelê Kurd Abdullah Ocalan jî hate kirin û li ser rewşa Rojava agahî hatin dayîn.
Li Helsînkiyê ya ku paytexta Fînlandiyayê ye, fûara pirtûkan a Varjo her sal di meha Cotmehê ji aliyê rêxistinên antî-otorîter û aştîxwaz ve tê amadekirin. Di fûarê de pirtûkên girêdayî fikrên antî kapîtalîst, anarşîst, antî faşîst, femînîst û ekolojîstî tên nasandin û firotin. Navenda Civak Demokratîk a Kurd (NCDK) jî îsal tevlî fuarê bû û pirtûkên Rêberê Gelê Kurd Abdullah Ocalan dan nasandin û belavkirin.
Her wiha Losen Pressê têkildarî wergera broşûra "Make Rojava Green Again" ya bi zimanê Fînî semînerek da. Di semînerê de broşur dan nasandin û li ser rewşa dawîn a Rojava agahî hatin dayîn.
