Li dijî êrişên dewleta Tirk yên bi çekên kîmyewî ku bi mehane li ser Qadên Parastinê yên Medyayê didomîne, li bajarê Bassel a Swîsreyê stantek ya agahdarkirinê hat danîn.

Stant ji aliyê endamên Meclîsa Jinê ya Ronahî li Clarapatz’ê hat danîn û belavok hatin belavkirin.

Li wir çalakvanan agahî didan kesên ku derbas dibûn ku êrişên dewleta Tirk a dagirker yên bi çekên kîmyewî pêk tîne sûcê şer û mirovatiyê li hemberî hem jiyana mirov û hem ya xwezayê dike. Stanta ku banga hişyarbûnê li hemberî sûcên şer û mirovatiyê ji Swîsreyiyan dikir wê di rojên pêş me de li navendên cuda yên bajêr dîsa were danîn.