Nobeda Azadiyê ku 10 sal in li Strasbourgê ji bo azadiya Rêberê Gelê Kurd Abdullah Ocalan pêk tê, di hefteya 485'an de ye. Koma Dostaniya Kurd a ku ji parlamenterên Ewropayê pêk tê, serdana çalakiyê kir.
Nobeda 'Azadî ji Ocalan re' ku li bajarê Strasbourgê yê Fransayê ji bo azadiya Rêberê Gelê Kurd Abdullah Ocalan pêk tê, di hefteya 485'an de ye.
Çalakî bi koma ji bajarê Darmstadt ê Elmanyayê dewam dike. Koma Dostaniya Kurdan a Parlamenta Ewropayê vê hefteyê serdana çalakgeran kir.
Parlamenteran diyar kirin ku ji bo çareseriya aştiyane û demokratîk a pirsgirêka Kurd di vê Ocalan û girtiyên siyasî hemû tavilê bêne berdan.
Parlamenteran destnîşan kirin ku li her qadê divê piştgirî ji têkoşîna mafdar a gelê Kurd û daxwazên çareseriyê re bêne dayin.
Bi navê çalakgeran jî Zulfu Bîngol axivî û diyar kir ku serdana Koma Dostaniya Kurdan girîng e û spasiya vê piştgiriyê kir.
Di nava koma ku serdana çalakgeran kir; Parlamenterê Awûstûryayî Andreas Schieder, Parlamenterê Baskî Pernando Barrena Arza, Parlamenter Miguel Urban Crespo, Parlamenterê Fransayî Françoise Alfonsi hebûn.
