Înîsiyatîfa Azadî ji Abdullah Ocalan bi şîara ‘Wê azadî bi ser bikeve, ji bo Ocalan têkeve nav hewldanan’ li Strasboûrgê dest bi çalakiyekê kiribû. Komeke nû çalakî dewr stend û heta Konseya Ewropayê meş hate kirin.
Li bajarê Strasboûrgê yê Fransayê di 1’ê Kanûnê de çalakî hatibû destpêkirin. Endamên Tevgera Jinên Kurd çalakî dewr stendin û ji Qada Repûplîqûeyê heta pêşiya Konseya Ewropayê meşiyan.
Pankarta ‘Rêberê Gelê Kurd 23 sal in di bin esaretê de ye. Agahî jê nayê stendin’ û wêneyên Rêberê Gelê Kurd Abdullah Ocalan hate hildan.
Di çalakiyê de bi sloganan bal kişandin ser tecrîda li ser Rêberê Gelê Kurd Abdullah Ocalan .
Jinan li pêşiya Konseya Ewropayê jî dest bi çalakiya rûniştinê kirin û piştre çûn konê çalakiyê. Wê çalakî di 17’ê Kanûnê de bi dawî bibe.
