Kurd bi banga Meclîsa Gelê Kurd a Londonê li ber avahiya Parlamentê li hev civiyan û dirûşmên "Terorîst Erdogan", "Kujer dewleta Tirk" û "Bijî Serok Apo" qîriyan.

Kurdistaniyan tevî dostên xwe li gel wêneyên Rêberê Gelê Kurd Abdullah Ocalan alên YPG, YPJ û KCK'ê hildan.

Çalakgeran ji Parlamenta Brîtanyayê xwestin ku li dijî dewleta Tirk bikeve nava hewldanan û dawî li firotina çekan a ji bo dewleta Tirk a dagirker bînin.

Qisekeran diyar kirin ku dewleta Tirk li dijî gelê Kurd sûcê şer dike û divê dewleta Tirk û Erdogan ji ber vê yekê bêne darizandin.

Bi navê Meclîsa Gelê Kurd Ercan Akbal li qada çalakiyê axivî û anî ziman ku Îngilistan bi firotina çekan ji bo dewleta Tirk dibe hevparê sûcê şer û sûcê li dijî mirovahiyê. Akbal diyar kir ku dewleta Tirk li dijî Kurdan polîtîkayên barbar dimeşîne û di heman demê de bi çeteyên barbar re hevkariyê dike.

Çalakî bi qîrîna dirûşman bi dawî bû.