Hevseroka KCD'ê Aysel Tûglûk û endamên meclîsa şaredariyê yên BDP'yî ku ji bo alîkariya însanî ya ji bo Rojava ketin ser rê, ji duh ve li deriyê sînor ê bajarokê Dirbêsiyê yê navçeya Mêrdîn Qoserê tên rawestandin.

Koma Alîkariya însanî ya bi pêşengiya Tevgera Jinê ya Azad û Demokratîk (DOHK) ve hat ava kirin û di nav de Hevseroka KCD'ê Aysel Tûglûk û endamên meclîsa şaredariyê ya BDP'yî hene, ji duh ve li deriyê sînor ê Dirbêsiya ser xetê tên rawestandin.

Tûglûk û yên pê re dixwazin alîkariya însanî ya ji 12 kamyonan derbasî Rojavayê Kurdistanê bikin.