Polîsên Tirk di ser Nexweşxaneya Dewletê ya Pirsûsê de girtin, Kobaniyekî di şer û pevçûnan de birîndar bûye birine cihekî nehat zanîn. Polîsan bi çekan li doktoran gef xwarin.

Kobaniyekî navê wî nehat zanîn ê di şer û pevçûnên Kobanê de birîndar bûye û anîbûn Nexweşxaneya Dewletê ya Pirsûsê ji aliyê polîsên tevgera taybet ên bi ser nexweşxaneyê de girtin ve hat desteserkirin û birin cihekî nehat zanîn. Hat diyarkirin polîsên di ser nexweşxaneyê de girtin gule xistine ber çekên xwe, çek xistine serê doktoran û gefa “hûn bilivin em ê we bikujin” xwarine.