Li Amedê, polîsan avêtin ser navenda tenduristiyê ya Şaredariyê ku 49 Rojavayiyên birîndar lê dihatin dermankirin û birîndarên li vir bi zorê derxistin û li nexweşxaneyên nava bajêr belav kirin.

Li Amedê ku ji ber êrîşên li hemberî Kobanê tansiyon bilind e, Navenda Tenduristiyê ya Dayik-Zarok a Kardelen a Şaredariya Baglar û Şaredariya Bajarê Mezin a Amedê, îro saet di 04:00 de rastî serdegirtina hêzên polîsan hat.

Polîsan xebatkarên li navenda tenduristiyê li erdê dirêj kirin, pê li pişta wan kirin û ketin hundir. Polîsan bi pihînan deriyên odeyan şikandin, 49 Rojavayiyên li navenda tenduristiyê tedawî dibûn bi zorê derxistin, li ambûlansa bicih kirin û ew birin nexweşxaneyên cuda yên li Amedê.

Der heqê sedema serdegirtinê de hînê agahî nehatiye bidestxistin.