Rêxistina Ciwanên Welatparêz ên Kurdistanê jibo şermezarkirina girtina deriyê sinorê Rojava û êrîşên li ser gelê Rojava, herwiha ji bo piştgirî dayîna Kongreya Netewî a Kurd, dê 1’ê Tebaxê li Hewlêrê meşekê li dar bixin.

Li bajarê Hewlêr yê Başûrê Kurdistanê Rêxistina Ciwanên Welatparêz ên Kurdistanê Ji bo şermezarkirina êrîşên li ser gelê Rojavayê Kurdistanê û girtina deriyê sinorê Rojava û Başûrê Kurdistanê, herwiha ji bo piştgirî dayîna Kongreya Netewî a Kurd, dê 1’ê Tebaxê di demjimêr 08.30’an de li Parka Ronakî kombibin û berbi Parka Şar ya navenda bajêr ve bimeşin.

Bi vê boneyê Ciwanên Welatparêz bang li hemû gelê xwediyê hestên netewî yê Hewlêr û bitaybet bang li ciwanan kir ku beşdarî çalakiyê bibin. Ciwanan diyar kir u, pêwîste gelê me berpirsyartiya xwe a netewî xwedî derbikeve ji bo vê jî helwesta xwe li hember Hikûmeta Herêma Başûrê Kurdistanê ji bo girtina deriyê sinorê Rojava bidin diyar kirin û piştgiriya xwe ji Kongreya Netewî a Kurd re bînin ziman.