Di emcama operasyona ku duh piştî êrîşa li dij Midûrê Emniyeta Çewlikê pêk hat, dest pê kirin de herî kêm 5 kes hatin binçavkirin.

Seroka ÎHD’ya Çewlikê Nûran Aydin ragihand ku derbarê binçavkirinan de agahiyeke zelal di destê wan de nîne û got: “Em çûn edliyeyê me tu dozger nedît.”

Aydin da zanîn ku malbatên ciwanên bi navê Yasin Bulut û Murat Karaca derbarê binçavkirina ciwanan de serî li wan dane û got: “Li gorî em dizanin 5-6 kes in. Lê agahiyeke zelal negihştiye destê me.”

Hate diyarkirin ku tevî Bulut û Karaca, kesê bi navê Necmeddîn Demîr jî hatiye binçavkirin.