Xebatên Partiya Demokratîk a Gelan (HDP) ên têkildarî mîtînga ku wê di 7’ê Tebaxê bi dirûşmeya “Çareserî em in, ji şer û mêtîngeriyê re na” li navçeya Kartalê li dar bixe, li qadan didomin. Rêxistinên bajêr û navçeyan ku parlamentera HDP’ê ya Îzmîrê jî di nav de di çarçoveya vexwendina ji bo mîtîngê de belavok belav kirin û gel vexwend Mîtîngê. Bangawaziyên ji bo tevlêbûna mîtîngê li navçeyên weke Sûltanbeylî, Bahçelîevler, Maltepe, Kartal, Çekmekoy, Beyoglû, Beylîkduzu, Avcilar û Pendîkê li gelek navçeyên Stenbolê hate kirin.

Rêveberên bajêr û navçeyan pêşbendên ku bi Kurdî û Tirkî li ser wan “Aştî dijîne” , “Bi hev re” , “Em HDP’yî ne li her derê ne” hatibû nivîsandin li xwe kirin û bi berzkirina dirûşmeyên “Li dijî talanê, neheqiyê û her cure mêtîngeriyê em li qadan in” û “Li dijî şer û mêtîngeriyê çareserî em in” li ser cadeyên herî qelebalix gel vexwendin mîtîngê.

Welatiyan eleqeyeke zêde nîşanî girseya ku banga vexwendina mîtîngê dikir, dan.