Li gelek bajarên Kurdistan û Tirkiyeyê ji bo Roja Aştiyê ya Cîhanê daxuyanî hatin dayîn û hat diyarkirin ku neçareserkirina pirsgirêka Kurd rê li ber şer û binpêkirina mafan vedike û parastina aştiyê heq e.
Li gelek bajarên Kurdistan û Tirkiyeyê bi boneya 1’ê Îlonê Roja Aştiyê ya Cîhanê daxuyanî hatin dayîn. Di daxuyaniyan de peyamên li dijî şer parastina aştiyê derket pêş û daxwaza bingehîn a sazî û dezgehên sivîl û partiyên siyasî azadî bû.
Rêxistinên sivîl û partiyên siyasî li bajarên wek Amed, Agirî, Sêrt, Enqere, Stenbol, Hatay daxuyanî dan. Di daxuyaniyan de hat destnîşankirin ku neçareserkirina pirsgirêka Kurd rê li ber şer û binpêkirina mafan vedike û parastina aştiyê heq e.
