Li navçeya Licê ya Amedê êrîşên bi qedexeya derketina kolanan destpê kirin didomin. Wesayîta MEYA-DER’ê ya dixwest bigihêje herêmê û nûçegihanên Ozgur Gun TV jî ku têde bûn ji aliyê leşkeran ve hat gulebarankirin.

Wesayîta MEYA-DER ya ji bo xwe bigihîne mertalên zindî yên li herêma Şehîdgeha Şehîd Amed û Şehîd Hêvîdar in ji aliyê leşker û tîmên taybet ve hat gulebarankirin. Wesayîta ku Hevserokê MEYA-DER Hasan Pençe, rêveberên MEYA-DER, nûçegihanên Ozgur Gun TV Dogûş Kotay û Mûrat Demîr tê de ji aliyê leşkeran ve hat gulebarankirin. Di wesayîtê de zerara madî çêbû.

Hate zanîn ku li çoltara Taxa Cumar di navbera leşker û HPG'iyan de pevçûn qewimî û agahî ji mertalên zindî nayê girtin.