Li bajarên Kurdistanê dengdayîna ji bo hilbijartinên 1'ê Mijdarê ji saet 07:00 û pê ve destpê kir. Roboskiyan gotin 'bila dengên me ji aştî û biratiyê re bibe wesîle' û çûn ser sindoqan.

Li gundê Roboskî yê navçeya Şirnex Qilabanê, hilbijêr danê sibehê çûn ser sidnoqan. Parlamenterê HDP'ê yê Şirnexê Ferhat Encu yek ji kesên destpêkê dengê xwe bi kar aniye bû.

Roboskiyên dengên xwe bi kar anîn careke din banga 'aştî û biratiyê' kirin. Roboskiyan bang li gelên Kurdistan û Tirkiyeyê kirin û ji hilbijêran re gotin, 'Dema we dengê xwe bi kar anîn komkujiyên Roboskî, Pirsûs, Enqere, Rojava û Amedê ji bîr nekin.

Li ser banga HDP'ê, heyetên çavdêr ên navneteweyî li Tirkiyeyê dengdayînê dişopîne.

Heyetek ji Swîsreyê di vê çarçoveyê de li navçe û gundên Şirnexê dixebite.