Dema çeteyên DAIŞ'ê li Til Temirê êrîş kirin, tevî Hoffmann şervanê MLKP'ê Coşkûn Înce û şervanekî YPG'ê jiyana xwe ji dest dabûn.

Di merasîma bîranînê ya li ser gora Hoffmann a li semta Meîderîch a Dûîsbûrgê de malbata Hoffmann, endamên MLKP, KGO, Însiyatîfa Hevalên Îvana, AGÎF, ATÎK, NAV-DEM; AKAB, ADHK û endamên Avakirina Komunîst a Elman bi sedan kes amade bûn.

Li dû deqeyeke rêzgirtinê li ser navê Rêxistina Jinê ya Komunîst a MLKP'ê axaftin hat kirin. Qiseker diyar kir, Hoffmann ji Afrîkayê heta Ewropayê pira piştevaniyê ye û got, "Bi gavên li ser şopa şehîdên xwe re em di têkoşîna azadî û şoreşê de bi pêş de diçin."

Li ser navê Însiyatîfa Hevalên Îvana Hoffmann û rêxistinên Şoreşger axaftin hat kirin. Merasîma bîranînê bi qîrîna dirûşmên "Şehîdên Şoreşê Namirin", "Şehîd Namirin" bi dawî bû.