Mehmet Emîn Ozkan ku di nav 38 girtiyên nexweş ên divê bên berdan de ye, tevî nexweşiyên, guatr, nexweşiya hestiyan, tansiyon, guatr a bijehr pê re heye, çavên wî baş nabînin, guhên wî giran bûne, hişê wî diçe û 10 nexweşiyên din pê re hene, di Girtîgeha Tîpa D ya Amedê tê ragirtin. Malbata Ozkan diyar kir ku Ozkan ji ber di 2’ye Îlonê de nerihret bûye rakirinê Nexweşxaneya Lêkolîn û Perwerdehiyê ya Gazî Yaşargîlê, du rojan di beşa lênêrîna awarte de maye û niha jî di servîsa normal de tê dermankirin. Malbata wî bi lêv kir ku dema rakirin nexweşxaneyê destûra dîtinê nedanê û da zanîn ku dibe îro hev bibînin.  

Mehmet Emîn Ozkan ku ji ber îfadeya du îtirafkaran bi îdiaya "endamtiya rêxistinê" hatiye girtin û cezayê muebedê lê hatiye birîn, 27 sal in girtî ye. Ozkan, di girtîgehê de heya niha 5 caran qeyrana dil derbas kiriye û ji xeynî vê bi dehan nexweşiyên wî hene. Ozkan ku nikare bi tena serê xwe jiyana xwe bidomîne, kurê wî Ahmet Ozkan ê di qawîşa wî de alîkariya wî dike. Tevî ku rapora Ozkan a ‘nikarê di girtîgehe de bimîne’ heye jî Ozkan ji ber rapora Saziya Tiba Edlî (ATK) ya 'dikare di girtîgehê de bimîne' nayê berdan.