Haydar Ebadî diyar kir, eger rêveberiya Başûrê Kurdistanê firotina petrolê bêyî Bexdayê bisekinîne, ew ê mûçeyên karmendan ên heta niha nehatine dayîn, bidin.

Ebadî ji televîzyona El Iraqiyê re axivî û ji hikûmeta Kurdistanê xwest, ku dest ji firotina petrolê di ser Tirkiyeyê re berde. Ebadî da xuyakirin, ku divê kontrola petrolê ji hikûmeta navendî re were dayîn û got, "Petrolê bidin me. Ez ê mûçeyên hemû karmendên li Kurdistanê bidim."

Başûrê Kurdistanê ev 3 sal in di ser Tirkiyeyê re petrolê difiroşe. Hikûmeta navendî jî ji hingî ve para Kurdan a di budçeyê de qut kiriye. Lê belê kêmbûna buhayê petrolê, karên nelirê û şerê li hemberî DAIŞ'ê li Başûrê Kurdistanê rê li ber krîzeke cidî ya aboriyê vekir.

Mûçeyên karmendên li Başûrê Kurdistanê bi mehane nayên dayîn.