Li gor agahiyên herêmê; 21’ê Gulanê li gundê Emokazî yê girêdayî Qelenî ya Maku pastarên Îranê kesek qetil kirin. Dîsa li gundên Texterevîn û Navre yên girêdayî Qelenî tevgera pastaran zêde bû û li gundê Texterevîn jî kesek hat qetilkirin.

BINÇAVKIRIN, ZEXT Û OPERASYON

21’ê Gulanê jî li navenda Agirî artêşa Tirk girt ser malan û 10 ciwanên Kurd ên welatparêz binçav kir.

21’ê Gulanê saet di navbera 11:00 - 12:30’î de li qada di navbera navenda Mêrdînê û Tirba Sultan Şêxmus de artêşa Tirk bi 10 wesayîtên zirxî, 5 helîkopterên Kobra, Jammerek û otobuseke tijî leşker operasyoneke berfireh pêk anî.

Heman rojê danê sibehê li gundên navçeya Çinar a Amedê, navçeya Dêrik û Şemrex artêşa Tirk ji bo gundî deng bidin AKP’ê zext kirine.

Du rojên dawî ne li gundên Sosnit, Kawar, Qada Çopê û Şêxala yên Mûşê artêşa Tirk zextan li gel dike.