Navenda Çapemeniyê ya YPG'ê da xuyakirin ku hemû êrîşên çeteyên DAIŞ'ê yên li hemberî Kantona Cizîrê bi hêz û çekên giran ên teqwiye tên kirin, ji aliyê hêzên YPG/YPJ'ê ve tên şikandin û ev agahî bi raya giştî re parve kir:

"Komên çeteyan duh piştî nîvro li hember herêma dikeve navbera bajarokên Rawiya yê girêdayî Serêkaniyê û Alya yê girêdayî Til Temir êrîşekî nû lidar xistin. Êrîşa çeteyan a ku bi piştgiriya çekên giran û wesaîtên zirxî lidarxistin piştî pevçûnên dijwar hat şikandin. Di pevçûnên li van qadan de qasî hat zelalkirin 11 endamê çeteyan hatin kuştin. Hêzên me li vir tevî 7 termê çeteyan dest danîn li ser wesaîtek zirxî ya BMB, 5 kleş, 1 BKC, 1 roketavêja B7, 1 G3 û gelek cebilhaneya van çekan.

Şevê din hêzên me li hember komên çeteyên ku li herêma di navbera bajarokên Alya û Rawiya de xwe cih kiribûn operasyonek lidarxistin. Operasyonê de 2 girên stratejîk a ku çeteyan ji xwe re kiribûn baregeh hatin hedef girtin. Hejmara kuştî û birîndarê çeteyan a di vê operasyone de nehat zelalkirin. Piştî pevçunên dijwar hêzên me her 2 girê ku hedef girtibûn ji çeteyan paqijkirin.

Şevê din li derdora gundê Til Nasir a giredayî Til Temir di navbera hêzên me û komên çeteyan de pevçûnekî dem kurt qewimî. Hejmara kuştî û birîndarên çeteyan a di vê pevçunê de nehat zelalkirin."