Navenda Ragihandina YPG’ê bi  daxuyaniyekê nasnameyên 3 şervanên xwe ku du ji wan di êrîşên li dijî gundê Ezawî yê Şedadê de û yek jî di encama qezayeke trafîkê de jiyana xwe ji dest dabûn, eşkere kirin.

Daxuyaniya YPG’ê wiha ye:

“Di 23’yê Tebaxê de, çeteyên DAIŞ’ê êrîşek berfireh anîn ser gundê Ezawî û qadeke li başûrê Şedadê. Çeteyên ji Iraq, Reqa û Dêrazorê hatibûn komkirin, bi çekên giran û maşîneyên zirxî 3 rojan bênavber êrîşî çeperên şervanên me kirin. Di van her sê rojan de çeteyan bi 6 maşîneyên tijî teqemenî êrîş anîn ser hêzên me. Lê, her 6 maşîne jî beriya bigihêjin çeperên me ji aliyê  şervanên me ve hatin ruxandin.

Piştî şerên dijwar ên 3 rojan, êrîşên çeteyan bi temamî tek çûn. Di encama van şeran de 108 çeteyên DAIŞ’ê hatin kuştin.

Her wiha di van şervan de 10 hevalên me ku bi lehengî li pêşiya êrîşên çeteyan rawestiyan û şer kirin, gihiştin şehadetê. Îro em nasnameyên du ji van hevrêyên xwe radighînin.

Her wiha hevalekî me yê bi nave Mîtan Dêrik jî di 30’ê Îlonê de, di encama qezayeke trafîkê de jiyana xwe ji dest da û tevlî karwanê şehîdan bûye.

Wekî Yekîneyên Parastina Gel (YPG), di serî de malbatên her sê şehîdan, em ji tevahî gelê xwe re sersaxiyê dixwazin. Em soz didin ku em ê her tim şopdarên rêya şehîdên xwe bin. Em ê ti carî armanca van şehîdan ji dilê xwe dernexin ta ku hêjayî wan bin.”

Nasnameyên têkoşeran wiha ne:

Nav û Paşnav: Yusif Seîd

Nasnav: Baran

Navê Dayikê: Gemra

Navê Bav: Faris

Cihê Jidayikbûnê: Hesekê

Cih û Dîroka Şehadetê: Şedadê, Gundê Ezawî / 23’yê Tebaxa 2016

***

Nav û Paşnav: Elî  El-Sayir

Nasnav: Lewend

Navê Dayikê: Hefta

Navê Bav: Mehmûd

Cihê Jidayikbûnê: Hesekê

Cih û Dîroka Şehadetê: Şedadê, Gundê Ezawî / 23’yê Tebaxa 2016

 

***

Nav û Paşnav: Remezan Hacî

Nasnav: Mîtan Dêrik

Navê Dayikê: Sarya

Navê Bav: Hisên

Cihê Jidayikbûnê: Dêrik

Dîroka Şehadetê: 30’yê Îlona 2016’an