Navenda Çapemeniya YPG’ê bi daxuyaniyekê nasnameya sê cangoriyan aşkera kir. Di daxuyaniyê de wiha hate gotin:

“Berxwedana hêzên me YPG/YPJ’ê ya li dijî komên çete yên DAIŞ’ê bi hemû hêza xwe dewam dike û serketinên mezin bi xwe re tîne. Ew jî bi saya îradeya ji pola û ruhê fedayî yên yekîneyên me û gelê me yê berxwedêr û welatperwer e. Di vê berxwenê de 3 rêhevalên me bi fedayîtî û qehremantiyeke mezin şer kirin û gihiştin asta şehadetê.

Em wekî Yekîneyên Parastina Gel (YPG) û Yekîneyên Parastina Jin (YPJ) dibêjin ku heta dilopa xwîna xwe ya dawî em ê şopdarên rêya şehîdan bin û sersaxiyê ji tevahî malbatên şehîdan re dixwazin.”

Nasnameya şervanan wiha ye:

Misedîq Mihemed ê bi nasnav Rohat Kobanê li Kobanê ji dayik bûye, 30’ê Gulana 2015’an li Xirib Aliya/santrala elektrîkê jiyana xwe ji dest da.

Hîva Ujdel ê bi nasnav Şoreş Şepol li Serdeşt ji dayik bûye. 24’ê Gulana 2015’an li Serêkaniyê/gundê Ebû Şexat jiyana xwe ji dest da.

Ebdullah Qasim ê bi nasnav Taylan Pîr li Serdeşt jidayik bûye. 22’ê Gulana 2015’an li Serêkaniyê/Mebrûka/gundê Ebû Şexat jiyana xwe ji dest da.