Li gundê Til Telaa yê li başûr rojavayê Til Temir wesayîteke çeteyên DAIŞ’ê ji aliyên hêzên hevbeş ve hate rûxandin. Li gundên Xabûrê pevçûn didomin.

Li gorî agahiyan, hêzên hevbeş ku ji YPG/YPJ, Asayîş, Meclîsa Leşkerî ya Suryanî, Sutoro, Zêrevanên Xabûr pêk tê, saet derdora 14.00’an de li gundê Til Telaa yê başûr rojavayê Til Temir wesayîteke çeteyan hedef girtin. Di encama çalakiyê de wesayît hate rûxandin. Lê der barê hejmara kuştî û birîndaran de agahî nehatin bidestxistin.

Şer û pevçûnên di navbera hêzên hevbeş û çeteyên DAIŞ’ê de li gundên Xabûr ên li başûrê rojavayê Til Temir didomin.