Navenda Ragihandin û Çapemeniyê ya HPG'ê bi daxuyaniyeke nivîskî ragihand ku tevgera artêşa Tirk a hewayî û bejahî bê navber dewam dike.

Di daxuyaniya navendê de ev agahî bi raya giştî re hat parvekirin:

"Di 28'ê Gulanê saet di navbera 21:00 - 23:00 û 29'ê Gulanê saet di navbera 22:00 - 23:00 de li ser herêma Xakurkê, balafirên şer ên artêşa T.C a dagirker tevgeriya ne. Ev tevgera hewayî li herêmên me yên gerîla her dewam e. Li gorî vê yekê;

Di 27'ê Gulanê saet di navbera 22:00 - 00:00 de li herêma Xakurkê, ji saet 21:30 ê 28'ê Gulanê heta sibe 29'ê Gulanê saet 04:30 li herêma Xinêrê, di 29'ê Gulanê saet di navbera 00:00 - 04:00 û 05:00 - 06:00 de li qadên Çiyayê Reş, Şehîdan û Ava Zê yên herêma Zapê pêgerên hewayî yên bê mirov ên artêşa Tirk keşif kirine. Di 29'ê Gulanê saet di navbera 00:00 - 01:00 de balafirên şer li ser herêma Çiyayê Reş geriyane.

GULEREŞANDIN Û BOMBEBARAN

Di 28'ê Gulanê saet di navbera 10:00 - 12:00 de herêma li derdora qereqola Oremarê ya li navçeya Colemêrg Geverê bi çekên giran ên obus, hawan û A-4 re hatiye bombekirin. Heman rojê saet di 16:30 de qereqola Oremarê obus û hawan avêtiye qada Şehîd Gavûr a li herêma Avaşînê.

VEGUHASTINA LEŞKERÎ

Di daxuyaniyên xwe yên beriya niha de me ragihandibûn ku artêşa T.C a dagirker li ser 6 girên biçûk ên qada Şehîd Kendal a li herêma Heftanînê bicih bûye. Di 27'ê Gulanê saet di 07:00 de ji Alaya Topvan a Gulyaziyê ber bi qada Şehîd Kendal ve hêzeke ji 150 leşkerî hatiye veguhastin. Artêşa Tirk ku li girekî din jî bicih bû, tevgera xwe ya li herêmê zêde kiriye.

Di 27'ê Gulanê saet di 13:30 de qereqola Girê Meymûn ê li ser sînorê Heftanînê ye, bi tankan qada Şehîd Welat bombebaran kir. Saet di navbera 15:00 - 16:00 de qada Şehîd Kendal bi obus û hawanan bombebaran kiriye.

LI AMEDÊ ÊRÎŞA BI OBUSAN

Di 28'ê Gulanê saet di navbera 13:30 - 15:00 de artêşa T.C a dagirker bi obus, hawan û çeka A-4 Girê Cûm ê li navçeya Amed Liceyê bombebaran kiriye.

Di 28'ê Gulanê saet di navbera 19:30 -23:30 de artêşa T.C a dagirker li ser rêya Tatanê ya navçeya Mûş Gimgimê kemîn daniye, rê girtiye û kontrola nasnameyan kiriye.

Di 29'ê Gulanê saet di 09:30 de li qada Gordê ya li Tendurek a Agirî, heman rojê saet di navbera 09:30 - 12:00 de li qada Gewro ya qada Şehîd Cemîl a Îdirê, di 28'ê Gulanê saet di navbera 07:30 - 21:30 de li ser qada Şehîd Cemîl a Îdirê artêşa T.C a dagirker bi pêgerên hewayî yên bê mirov re keşif kiriye."